انا من زمان معجبة في اليابان، وكل شي في اليابان، اول شي بديت اعجب في شي اسمه (انمي- فيلم كرتون ياباني) وصرت اتابع حاجات كثيرة منها من مسلسل الى مسلسل، الى ان تعرف على مسلسل حقيقي ، فيه ممثلين ومخرج ومصور وبتاع الاضاءة <<< اهم شي بتاع الاضاءة ههههه
وطحت طيحة قوية عند المسلسل هذا
HANA YURI DANGO– اولاد على الزهور
هو مسلسل عبارة عن جزئين، خلينا في هذه الرسالة نحلل الجزء الاول ( حلوة نحلل هذه )
المسلسل عبارة عن قصة حب بين (دوميوجي تسوكاسا) و ( ماكينو تسكوشي) طالبين في مدرسة ثانوية، مدرسة مميزة ، كل اللي فيها اغنياء ( مو أي غنى الا غناء فاحش) ما عدا ( ماكينو تسكوشي) دخلت المدرسة وهي فقيرة ما هي مثل بقية الطلاب، واغنى واحد في المدرسة هو ( دوميوجي تسوكاسا) متحكم في المدرسة لدرجة انه لو يسوي أي شي على كيفه، محد يقدر يفصله من المدرسة او يرسبه لانه مغرق المدرسة بالفلوس ( يا واد يا انتا يا غني )
(دوميوجي تسوكاسا) عنده 3 اصدقاء، هم بعد اغنياء، هؤلاء الاربعة هم ( F4) نسبة الى ( Flower) ومتحكمين في المدرسة، كل ما ازعجهم احد اعطوه البطاقة الحمراء انذار، وتصير كل المدرسة ضد هذا الشخص اللي اعطوه البطاقة الحمراء، يتهزأ ويتبهذل وينضرب ، عادي ما في مشكلة، حتى المدرسين ما يعترضوا على الموضوع، بالعكس يشجعوا الطلاب يرحوا يتابعوا عملية التعذيب ( يا سلام ونعم المدرسة)
المهم... ان ماكينو ما يعجبها الوضع، بس ساكته عشان تبغى تتخرج من المدرسة بدون أي مشاكل، مع انها هي زي ما نقول ( حامد ولد) ودايما تدافع عن صديقتها ( يوكي) في ايام المدرسة الابتدائية والمتسوطة، بس لما دخلت المدرسة هذه ، خافت انها تنطر اذا تعرضت لـ F4 ففضلت انها تسكت
الا ان تخطئ صديقتها – المحولة الى المدرسة حديثا – (ساكوراكو) وتصدم في دوميوجي بالخطأ ويتكب عليه العصير والاكل (اكيد راح تتبهدل هذه ساكوراكو) وقفت ماكينو في وجه دوميوجي، وطبعا اعطوها هي البطاقة الحمراء ، وفي النهاية تعصب هي منهم، وتعلن الحرب، وتوقف ضدهم (يا سلام عليك ماكينو!!!)
هذه الاحداث في الحلقة الاولى (بس ما راح اقول لكم اللي يصير في الحلقات اللي بعدها)
بس اهم شي تعرفوه ان (دوميوجي) يحب (ماكينو) لانها تغير نظرته في الحياة
هذا اغنى ولد في المدرسة، واكثرهم شغبا، يضرب بدون سبب، ويسب ويشتم، ما عليه ابدا، كل اللي يبغاه يتنفذ بدون أي اعتراض، رئيس مجموعة (F4) وهم كلهم اصدقاء طفولة، الاربعة المتحكمين في المدرسة،بصراحة في بداية المسلسل كرهته جدا جدا وفي نهايته أعجبني
شخصيته جدا رائعة في المسلسل، شخص مشوش وضائع، عنيف جدا، لكن لما يتعرف على ماكينو، يبدا يطلع الجزء الطفولي اللطيف اللي فيه، طيبة قلبه تبان، ويبدأ يصير جدي في حياته
هذا الشخص في الحقيقة اسمه (ماتسوماتو جون) مغني في فرقة اسمها (اراشي) هو وفرقته يغنوا اغنية البداية للجزء الاول والثاني، والاغنيتين جدا جدا جدا رائعة الجزء الاول (WISH) والثاني (LOVE SO SWEET) اغاني مرة حلوة ، حملتها من النت <<< مدمنة بضمير ما شاء الله
هانازاوا روي
شخصية جدا جدا قوية، هذا الشخص الهادي الغامض في المجموعة، دايما راسة داخل الكتاب، وما يتكلم الا نادرا، ما هو مع العنف اللي دوميوجي كل شوي طالع لنا فيها، وعازف كمان عجيب (ياخي احب انا آله
الكمان، احسها رومنسية جدا<< وحدة دخلت جو)، يحب (شيزوكا) القدوة اللي اخذتها ماكينو لنفسها، تبغى تصير مثلها، (شيزوكا) عارضة ازياء عالمية، وتدرس المحاماة، وماكينو تبغى تكون مثلها في المستقبل، (هانازاوا روي) اول شخص تعجب فيه ماكينو ، (اول حب) لها.
اكثر واحد عجبني في المسلسل كله، واكثر واحد حزنت عليه، احس انه تبهدل في المسلسل، اذا تبغوا تعرفوا ليه ، حملوا الحلقات من النت <<< مسوية اعرف احمسكم!
وفي الحقيقة هانازاوا روي، ودوميوجي تسوكاسا، اصدقاء!! مثلوا في مسلسل واحد وكانت بداية لهم، ومن بعدها وهم اصدقاء، يعني في المسلسل يمثلوا اصحاب، وهم في الحقيقة نفس الشي!
نيشكادو سوجيرو
هذا اللي معجب في شي اسمه شاهي، حياته كلها شاهي، كل انواع الشاهي المختلفة، اللي موجودة في اليابان، يعرفها وطبعا في اليابان طريقة شرب الشاهي (فيلم لحاله) لازم تصب بطريقة معينة، وتحرك الكاسة باتجاه معين عشان تشكر الشخص المضيف، ولما ترجع تحط الفنجان على الطاولة لابد يكون بطريقة معينة (شغلانة هي!) مع الشاهي ، هذا زي ما يقولوا (زير نساء) ، وصديقة ماكينو (يوكي) معجبة فيه جدا! مو بس يوكي حتى اختي هههههه، بس شخصيته حلوة والله ، يسوي حركة تخليك تقول الله الله الله!
ميماساكا اكير
هذا تحسوه اعقل واحد في المجموعة، كل ما اتضاربو يجي هو يفك المضاربة، ودايما اقتراحاته معقولة وكويسة يمكن تطبقيه، يفكر في المجموعة كلها، واكثر واحد تقدر تعتمد عليه في المجموعة F4 اذا تبغى حاجة معينة تصير. هذا يخليني اموت ضحك عليه لما تعجب فيه صاحبة المحل اللي تشتغل عندها ماكينو،وتصير تحتك الحرمة، احس ان فيها خلل فني في عقلها، اكثر وحدة ضحكتني هي، طول الجزء الاول من المسلسل، بس اكيرا هذا فزعة قوية، ودك لو انك تعرفه وقت الازمة!
ماكينو تسكوشي
هذه عاد بطلتنا، ما هي حلوة مرة ههههه، بس شخصيتها خيالية!!! حامد ولد، وما عندها مانع تضرب أي شخص تحس انه على خطأ، طيبة جدا جدا ، وتخاف على مشاعر اللي حولها، تفكر في الغير قبل ما تفكر في نفسها، وهذا اللي يرفع ضغطك طول المسلسل ههههههه، ودك تكفخها تقول لها ( خلاص يا بنت الحلال فكينا اتعبتي قلوبنا) ياما خلتني اصيح، كل ما صاحت الانسانة، كملت انا معاها، وحسيت بالمعاناة ( ادري داخلة جو ما هي مشكلة)
المسلسل رائع جدا، 9 حلقات في الجزء الاول من المسلسل، قصة محبوكة بشكل جميل، ويخليك تضحك وتبكي وتتألم وترجع تفطس ضحك، مواقف كثيرة، وقصة قوية، بصراحة مسلسل كل اللي فيه يجنن، اللبس على الاكسسوارات على السيارات، ياخي الناس عايشين في عالم ثاني!!! اكثر واحد عجبني في اللبس (هانازاوا روي) كل مرة يبلس شي اقول في نفسي( هذا من فين له الملابس هذه؟) شياكة ، المسلسل من اوله لاخره كل اللي فيه (زي الجنيه الدهب) على قولة اهل مصر.
ما عدا ماكينو ههههه، عايشين جو البنت فقيرة ما عندها، طل الجزء الاول والثاني وهي بمريول المدرسة حزنتني حسيت نفسي اعطيها شوية من عندي ههههه، بس يفكروا في كل صغيرة وكبيرة، حسيت خلاص ما ابغى اتابع شي اسمه مسلسل مصري ولا سوري ، بس ابغى اتابع الدراما اليابانية!!!
شاب وفتاة , يسكنان بالقرب من بعضها , مختلفي الطباع بشكل كامل ,
ويكرهان بعضهما بشدة , حادث غريب يؤدي الى تبادل الاجساد فيما بينهم ,
فيصحوا الشاب بجسد الفتاة وتصحوا الفتاة بجسد الشاب ,
فيستغل كل طرف منهم هذا الحدث لتخريب وافساد حياة الشخص الآخر
شرحي
نيل ،،، فتاآهـ ذكيهـ تحب الشعر وتهوى القراآءهـ تعيش في بيئهـ متصنعهـ تتعاآلى على ماآحلهاآ
وودي ،، الرياآضي المشاآكس المهمل الذي ينتمي لبيئـ بسيطهـ تتصرف على سجيتها
.gif "T (8)")
تحياتي
.gif "T (43)")
