--------------------------------
في الاستراحه الساعه 11.30
--------------------------------
ريم : نوف وش قالج الخبل وخلاج تصيحين ؟لا يكون سبج ؟
نوف وهي للحين تصيح : حتى لو سبني ما راح ازعل
ريم : انزين وش قالج ؟
هنوف وهي توها طالعه من الصاله شهقت لما شافت نوف تصيح
هنوف : ريمو يالحيوانه ليش صيحتيها ؟ وش سوت لج ؟
ريم : انا اقدر والله تاكلني
هنوف : ليش منو صيحها ؟
ريم بصوت وااطي : الغالي
هنوف : وش قالها سبها ؟
نوف : أولا لا تقولين الغالي ثانيا ياناس وش فيكم ؟
هنوف : ما فينا شي انتي اللي فيج
نوف : انا قلتها لريم وبقولها مليون مرة حتى اذا سبني ما راح ازعل
هنوف : ايه الغالي
نوف وهي تقوم ورا هنوف : انا كم مرة قلت لحد يقول عنه الغالي غيري ؟
هنوف وهي تركض حول المسبح : ولا مرة
نوف : انا اوريج زهبي لج ملابس لاني بقطج في المسبح
هنوف : نوف والله ما عندي غير هذي الملابس اللي يابتهم لي امي
ريم : انزين تعالوا يلا عمي ينطرنا برا
<< الهنوف كانت متعمدة تخلي نوف تلحقها علشان تطلعها من اللي كانت فيه
سمر في الصالة : ريييم , هنووووووووف , نووووووووووووف
ريم : احنا هني تعالي
سمر وهي تطلع من الصالة : نوف وش فيج ؟
نوف : وش فيني ؟
سمر : انتي خبلة خبلة ؟
نوف : هههههه ليش ؟
سمر : في وحدة تصيح وتضحك بنفس الوقت ؟
ريم : نوفو
نوف : نعم نعم وش قلتي انا نوفو انا اوريج
ريم : لا خلاص خلاص ما اعيدها
نوف : مو شغلي انتي في المسبح
ريم وهي توقف ورا هنوف : هنوف بويهج لا تقطني
هنوف : خلاص نوف
نوف : انزين علشانج ورا هنوف ولا انتي كنتي بتنقطين
سمر : ههههههههه انزين يلا ترا ابوي ينطركم
نوف : ايه والله عمي نسيته
سمر : مو منج
ريم : من الغـ
هنوف تقاطعها : مو علشان احد يلا
نوف : ههههههههههههههه زين انج ما كملتي
ريم : انا اوريج
نوف : انزين يلا انا جاهزة يلا
ريم : وانا بعد
سمر : هنوف هااه جاهزة ؟
هنوف : ايه يلا
وركبوا السيارة طبعا سمر قدام وريم ورا عمها ونوف ورا سمر وهنوف بينهم
سمر : يبه اليوم من صج وناسة
ابو سامي : عسى دوم
نوف : اما عمي لو شفت ريم اليوم واشواق
ابو سامي : بلاهم ؟
هنوف : هههه قطيناهم
الكل : ههههههههههههه
ريم : ههههه ايه بس لما طلعنا نقطكم نقزتوا
ابو سامي : هههههههههههههههههههههههههه
نوف : وش رايك عمي نخليهم يقطوننا ؟
سمر : ايه
نوف : محد كلمج
سمر : افففف انزين يبه
ابو سامي : هلا
سمر : يبه باجر نبي نيي
ابو سامي : ما تقدرون
ريم : عمي ليش ما نقدر نيي باجر ؟
ابو سامي : لان الشباب باجر كلهم بيكونون موجودين
ريم : انزين عمي مثل اليوم يسبحون قبلنا
ابو سامي : ما يصير
سمر : يبه ليش ؟
ابو سامي : لان الشباب باجر بيتغدون هناك
نوف : حلو يعني بعد المغرب بيكون فاضي محد في المسبح
ابو سامي : حتى بعد العشا ما تقدرون
سمر : افففف يبه ليش ؟
ابو سامي : لان باجر عمكم ابو منصور مسوي عزيمة هناك
نوف : انزين عمي فهد بيسويها وقت العشا نروح قبل المغرب
ابو سامي : وبعد الشباب عازمين ربعهم من العصر لين العشا
سمر : افففففف هذولا ما يحصلون شي نستانس فيه الا وخربوا علينا
نوف : انزين عمي يعني انت باجر بتروح هناك ؟
ابو سامي : هههههههههههههههههههه اكيد
نوف : انزين عمي بكرة قبل ما تطلع ودنا بيت يدتي
ابوسامي : اصلا انا بوديكم بعد العصر
سمر : قبل نومة العصر ولا بعدها
ابو سامي : انا ما اقدر اوديكم قبل العصر
ريم : سمر وشو نومة العصر ؟
سمر : هذي نومة ابوي اللي ينام فيها من الساعه 2 لـ4
نوف : ما شاء الله عليك عمي تقيل ساعتين
سمر : انتي هيييييه قولي ما شاء الله
نوف : انتي نظفي اذونج عدل انا وش قلت قلت ماشاء الله عليك يا عمي
سمر : ما سمعت
نوف : مشكلتج والله
ابو سامي : انزين يلا وصلنا
طبعا محد من البنات شال حتى منديل
سمر : يبه خلهم باجر لما يي سامي يشيلهم
ريم : عمي باجر سامي بيي ؟
--------------------------------
في بيت ابو سامي الساعه 12.10
--------------------------------
ابو سامي : اتوقع
هنوف : سامي بيي ؟
ابوسامي : اكييد بيي يبدل
نوف : علشان جذي
سمر : وشو اللي علشان جذي ؟
نوف : لاني قلت في بالي اذا الشباب بيروحون باجر ليش لموا اغراضهم ؟
ريم : ايه والله يعني باجر كل الشباب بيردون وبيطلعون سويه
سمر : ايه اجل تبينهم يبدلون ويلبسون ملابس وصخة ؟
ريم : شباب
ابو سامي : انزين يلا انا بروح انام
ريم : عمي توها 12ونص بدري
ابو سامي : من عمرج انتوا عندكم اجازات انا عندي شغل باجر
نوف : انزين عمي تصبح على خير
ابو سامي : وانتي من اهله
ريم : تصبح على الف خير
ابو سامي : هههههه وانتي من اهله
سمر : انا اوريكم , يبه تصبح على مليون خير
ابو سامي : ههههه انزين وانتي من اهله
هنوف : انا اوريكم كلكم , عمي تصبح على .....
ريم : كملي
سمر : اتحداج
هنوف : تتحدين ؟ , تصبح على خير الدنيا والاخرة
ابو سامي : وانتي من اهله وانتوا بعد هههههههههههه
سمر : والله سويتيها
نوف : افا عليج
ريم : مالت عليكم انا اول وحدة بديت فيكم
نوف : وشوووووووووو ؟ انا اول وحدة
سمر : هييه انتوا بلا هواش اللي كسبت هنوف
هنوف : طبعا انا هنوف والاجر على الله
سمر : انزين يا الاجر على الله تعالوا الغرفة
نوف : خلينا في الصالة اوسع
ريم : هههههه ولا اقولج خلنا ندش غرفة اخوج ؟
هنوف : ههه يلا
سمر : تعالوا بس بدون تفتيش او تخريب او لمس
نوف : بندخل متحف ؟
سمر : اغلى من متاحف الدنيا هذي غرفة ابو ريماس
ريم : يعني انه ابو ريماس
نوف : لحظة انا دوووم اسمع سلطان يقول لسامي ابو ريماس وش السالفة ؟
ريم : يمكن خويته
هنوف : لا ما توقع سامي يطلع من النوع هذا
سمر : طبعا مو من النوع الـ (.......)<< اسمحولي ما ابي اغلط
ريم : عيل وشو ابو ريماس ؟
نوف : وليش ريماس ما ينادون الريال الا بابو ولد وش معنى؟
سمر : اخوي عجبه اسم ريماس فسمى عمره ابو ريماس
--------------------------------
في غرفة سامي << لو يدري بيقطعهم وحدة وحدة >>
--------------------------------
سمر : وش رايكم ؟
نوف : مين يرتب سريره ؟
سمر : محد
هنوف : يعني هو يرتبه ؟
سمر : ايه
ريم : وخدامتكم ؟
سمر : ممنوع تخش داره
ريم : ايوا يالممنوع
سمر : والله سامي قال لها ما تخش داره لو وش يصير هو يرتبها وهو ينظفها
ريم : ما شاء الله عليه
هنوف : مو مثل بعض الناس
ريم : من قصدج ؟
سمر : ما يبيلها تكمل انتي
ريم : ليش ان شاء الله ؟
نوف : ريم انتي حتى ثيابج خدامتكم تلقطها من الارض
ريم : شسوي كل ما ابي اشيهم انسى
هنوف : وليش ما ينسى سامي ؟
ريم : لانه كبير
سمر : وعاقل
البنات : هههههههههههههه
نوف : وش هالسويش يسوي ؟
سمر : طفي النور وشغليه
نوف : وشو ؟
ريم : يلا نوف
نوف : انزين
وطفت النور وشغلت السويش الثاني
ريم : ايوا بلاك لايت<<البنفسجي>> والله اخوج فللله
سمر : هههههه ادري
نوف : تعالوا شوفوا اللي ورا الباب وش مكتوب
هنوف : وشو ؟
ريم : تعالوا خلنا نقرا
كان مكتوب
(( وصيت قلبي عليك وفكري وظني ... ان غبت عنهم عليك عتابهم هاجي ... ما ودي تجرح شعورك بكلمة مني ... يا شوق روحي وقلبي وقطعة مني ... عتابك الطف من النسمة على فؤادي .......))<<اظنكم تعرفونها ما يحتاج اكمل خخخخخ
ريم : ليش ما بينت من اول
نوف : لانها ياغبيه مكتوبه بمادة شفافه ما تبين بالليت الابيض
ريم : طالعوا وش مكتوب تحت
هنوف : مكتوب (( وان شاء الله اطلع قد الوصيه التوقيع سامي محمد { ابو ريماس } ))
سمر : وش قصده بهالكلام ؟
ريم : واحنا وش درانا
نوف : انزين يلا خل نطلع
هنوف : ايه والله حررررررررررررررر
سمر : يلا
ريم : لحظة لحظة
سمر : وشو ؟
ريم : اخوج ما عنده سوني ؟
سمر : الا بس انا ماخذته
نوف : احسن يلا
سمر : يلا
--------------------------------
في غرفة سمر الساعه 12.45
--------------------------------
ريم وهي تجهز مكان نومها : سمر شغلي السوني
سمر وهي وياها تفرش : لما نخلص
هنوف كانت يم نوف
هنوف بصوت واطي : عادي تقولين قدامهم ؟
نوف : ايه ما اتوقع اهم بيقولون لحد شي
هنوف : انزين
سمر : يلا خلنا
ريم : شغلي السوني خل نلعب شوي
سمر : انتي طالعي الاشرطة اللي عندي
ريم : اشوف
نوف : هاااه بشري عندها اشرطة عدله
هنوف : اهم شي عندها حرامي سيارات
ريم : لا للاسف
سمر : بس في شريط سيارات << امحق بنات هههههههههه
المهم لما شغلت سمر السوني
هنوف : لحظة لحظة
سمر : وشو ما تبون تلعبون ؟
هنوف : انا اموووت واعرف وش خلا نوف تصيح اليوم
ريم : ايه والله
نوف : بس ما تقولون شي ؟
ريم : ايه
نوف : ولا تقاطعوني ؟
سمر : ايه يلا خلصينا
نوف : انزين اللي صار ......<< تعرفونه وان نسيتوه ردوا فوق
سمر وهي تنسدح : يا ويلي ويلاه
نوف : آآآآآآآآآآآآآه ادري
ريم : وانتي وش قلتي غير كلمة موافقه <قالتها باستهزاء
نوف : ما قدرت اقول غيرها لساني انربط
هنوف : يا حظج
نوف : ادري
سمر : ان شاء الله اتزوج بعد قصة زي قصتج
نوف : نعم لا حبيبتي ما يصير
سمر : انزين ههههه ان شاء الله اتزوج بعد قصة شبيهه بقصتج
نوف : ايه جذي عدل
هنوف : مرة محد يحبج قد بعض الناس
سمر : ومنو هذولا اللي يحبوني << تحدي خخخخخخخخخخخ
ريم : سعيد مين غيره كم مرة يطلعنا علشانج
نوف : ايه واذا كنت معاكم لحالنا ما يطلعنا
سمر : احم احم يحق له يطلع منو ؟ من زينكم تفشلون
ريم وهي تقوم لها : احنا نفشل انا اوريج
نوف : هنوف عليها ؟
هنوف : افا عليج
وتهاوشوا بس هواش مزح خخخخخخخخخخخ
بعد ما تعبوا
سمر وهي تتنفس بقوة : الله يخـ .. الله يخسكم كلكم .. علي
نوف وهي بنفس الحالة : احسـ .. أحسن
ريم : انا تعبت ابي انام
هنوف : حتى انا
سمر : انزين يلا وحدة تقوم تصك اللمبة
ريم : قومي انتي انا تعبانه
سمر : هنوف قومي
هنوف : قومي بس
سمر : نوف قومي انتي
نوف : ........... << نامت خخخخخخخخخخخخ
سمر : نوووووف
نوف : ...........
هنوف : نامت هههههههههههههههههههه
البنات : ههههههههههههههههه
سمر : هههههه امري لله يلا
ريم : يلا قفليه خلنا ننام
سمر : انزين بس لا تنسون باجر
هنوف : شنو باجر ؟
سمر : باجر الساعه 10 ولا 11
ريم : اففففف شنو ؟
سمر : بنقوم نطبخ
ريم : انتوا ما عندكم خدامه ؟
سمر : ايه عندنا بس انا ابي اتفنن
ريم : انزين يلا بس قفلي الليت
سمر : ان شاء الله
وقفلت اللليت
وناموا لانهم كانوا تعباناااااااااااااااااااااااااااااااااااااااااااات من السباحة
--------------------------------
في بيت ابو سلطان (( العمة )) الساعه 12.30
--------------------------------
بدر : يلا عبود قم خلني ارقعك بكم قول
عبدالله :هههههههاااااي ضحكتني غير الشريط يلا ويبين
مشاري : انزين انا بغيره بس خلنا نسوي دوري
عبدالله : مو تسوي دوري تصير انت متاهل
بدر : ايه نبي دوري صح
عبدالله : وحط كم فريق نتمرن عليهم <<طبعا قوة اللعب وسط خخ
مشاري : انزين
ولعبوا وطبعا مشاري اول واحد طلع من الدوري
بدر : فشلتنا الله يخسك
عبدالله : طبعا ارسنال ما يمزح
بدر : انا الحين بلعب مباراتي وبفوز وبعدها انا وانت على الكاس
عبدالله : ما توقع انك تفوز على البرسا <<برشلونة خخخخ
بدر : هذا اللي ناقص البرسا يفوز على الريال في عيد البط
عبدالله : صار عيد البط لما سعود هزمك 3-1
بدر : طبعا هذا سعود مين يقدر عليه
عبدالله : سامي
مشاري : اتوقع حتى سامي انهزم من سعود
بدر : طبعا مانشستر مع برشلونة
عبدالله : يلا العب وخلصنا
ولعب وفاز
بدر : يلا انزل خلني اشيل الكاس
عبدالله : اللي يسمعك يقول من صج
الكل : ههههههههههههههههه
المهم لعبوا وفاز عبدالله
بدر : مبروك
عبدالله : الكاس انا اهديه لنوف
مشاري : انت وش قصتك مع نوف ؟
عبدالله : واحد يحب اخته وش فيها ؟
بدر : ما فيها شي
مشاري : يلا خلننا ننام باجر امي تقول اننا بنتغدا في بيت يدتي
بدر : يعني من الساعه 11 بيقومونا
عبدالله : الله يعين
مشاري : الا سها وينها ؟
عبدالله : سمعت نوف تقول ان منال تقول ان سها كبرت وما يصير تيي ويانا
بدر : اما من صجك انت ؟
عبدالله : هذا اللي سمعته
مشاري : بس والله سهوي فله
بدر : يلا على الاقل احنا نقعد مع بعض هي من وياها ؟
مشاري : الله يكون في عونها
عبدالله : يلا يبه انت وياه ابي انام
بدر : يلا
وراحوا غرفتهم وناموا